اللهم صل على محمد وال محمد
 منتديات بين النهرين | الرئيسية | القوانين العامة | الاسئلة الشائعة | إتصل بنا؟ | رفع ملفات | البحث:
تاريخ اليوم:
أضف اهداء!

,.-~*'¨¯¨'*·~-.¸أهلا بك يا زائر ,.-~*'¨¯¨'*·~-.¸
بحـثدخولالتسجيلالرئيسيةصفحة الاعلانات_البوابةالمنتدياتالدردشةالتسجيل JOINتسجيل دخول_

إرسال موضوع جديدإرسال مساهمة في موضوع العنوان:

منتديات بين النهرين :: المنتديات الثقافية :: منتدى الخواطر وعذب الكلامشارك

 اقوال الحب 



الموضوع
قطر الندى
+10 امبراطورة النهرين قطر الندى


ألمهنة : -
الجنسية : عراقية
الاوسمة


مُساهمة اقوال الحب
الثلاثاء 9 مارس 2010 - 16:50

اقوال الحب

قالت .. احبك يا غلام
ثم استمرّت بالكلام
تحكي ..
تعبّر عن شعور
قلبي يحبك للابد
وحدك ولا غيرك احد
سهّرتني بليل ٍ طويل
هذي الحقيقة والدليل ..
اطلب تمنّي ما تريد
لا تستحي اطلب وعيد
ارخصت لك روحي بهواك
هذا الفؤاد اللي حواك
مقفل .. مفاتيحه معاك
قالت .. احبك يا غلام
ثم استمرّت بالكلام
تحكي ..
تعبّر عن شعور
وبقولها بان الهيام
قالت .. احبك يا غلام
ثم استمرّت بالكلام
قالت وانا لي نظرتي
لو باوصفه .. كومة حطام
ما له مقام .. ما له اساس
عِزّ الخطا والالتباس ..
تحكي عن الحب العفيف
ما تعرف ( الحب المخيف )
انه عبارة عن شعور
بعده تفاعل معْ حضور
بعده يحسّسنا بسرور
بعده تآلف بالوئام
بعده وله طاغي وشوق
بعده تنافر وانقسام
بعده شقا يتبع الم
بعده تحسّر معْ ندم
يِظهر لنا مرّ الحياة
هذي النهاية يا فتاة
لا تنظري لهذا الغلام
لو طاوعِك همهم وتاه

أقوال في الحب

قالت سعاد ..
حبك سكن وسْط الفؤاد
والله عليم
رب العباد
حبي وكاد
قلت .. اسكتي
اثر البلا فيها عناد
في ساعتين
نار الهوى امست رماد

***

في اول الحب انتعاش
فيه اهتمام
بعده برود ثم ٍ طناش
ما بي احب لا لا .. بلاش
فيه الالم
فيه الجراح
واللي يحب ..
تلقى معه مرهم وشاش
مهما نقول ..
ماتوا البشر والحب عاش

***

قلبي اشتكى
عقلي سرح
قالوا .. نعم
هذا الهوى
ابدا المرح
قلت .. الهوى ما به فرح
كله معاناة والم
في الحب كم ..
كم قلب عانى وانجرح

***

حبيت انا حباً بواح
العقل جن والقلب ساح
زاد الوله والشوق صاح
قالت .. تحب في هالزمن ؟!
في هالزمن ما ني معك
لا عد تقول
او اسمعك
قلت .. ابشري
منك السماح

***

قالت رهف ..
عقلي استخف
من بعد ما شفت الحبيب
يا صورته !
يوم شفتها قلبي ارتجف
ثم انجرف
حبيت انا
يا ذا الهنا
قالت بعَد ..
الحين انا وضعي اختلف
من كلمتين خِلي انكشف
يوم قالها شعري وقف
قلت .. الحيا ما قاربك
عوّد ذلف

***

كم قلت لك .. احذر تحب
الحب عذاب
كله وله والشوق نار
واللي يحب لا بد يغار
كم خِل باع
كم خِل صد
كم خِل طار
ما قلت لك .. خلك بعيد
الحب ضار

***

اقرا الكلام ..
عن هالغرام
ياخي ابتعد عن حب جاك
ايه ابتعد
غيرك معاك
حنّا بسوق
بنشوف ذي ونشوف ذاك
لو شالك اليوم ( الوفي ! )
باكر رماك

***

احترت من كلمة ( وفا )
قالت .. ترى قلبي اكتفى
حبك وبس
فيه انحبس
ما لي احد غيرك حبيب
انت الهوا وانت النفَس
قلت الشعور نفس الشعور
ثم اختفت
دنيا عجب
تزرع عنب
يطلع عدس

***

يا سيّدي
في الحب غش
لو حب قلبك .. انتبه !
احذر يزيد
لو زاد .. فش
وش هو السبب ؟
( حب الحبيب )
بالمرّة هش
وان حب غيرك يهجرك
يا ذا الهوى ما اسرعك
تنقش قش

***

قالت مرام ..
وين التساوي في الغرام ؟!
لو توزنون حبي يجي ..
سبعة عشر كيلو غرام
اما الحبيب اثنا عشر !
والله حرام

حكاية حب


هب وهب
غصب عني قلبي طب
نظرتين وصرت تايه
ما ادري ويني
ارشديني لاي درب
واسعفيني
لو تركتيني .. باموت
بي صداع وفيني دوخة
واعتلال وصدري شب
وش بلاني يوم شفتك ؟
يمكن انّه سحر دب
هب وهب
ذا طريقي .. لا هذاك
حسبي الله .. ليّه رب
بعد مدة .. بان علمي
اثر قلبي حب .. حب
لكن اني في الحقيقة ..
ما اقدر اعطيك العلوم
عن عذابي والهموم
وان دمع العين صب
بس كفاية ..
انك بقلبي حللتي
واحتلالك كان غصب
ودي انك تعرفين
عن حياة العاشقين
ذي حياة ..
فيها لوعة والتياع
وفيها لهفة وانصياع
ونلقى فيها ..
من لهم في الحب باع
ذاك طاع
ثم سلك درب الضياع
وذي اشترت والخِل باع
ونلقى فيها .. من يهيم
من رجال ومن حريم
يا رفيعة ذوق .. بان
الحقيني بالحنان
ما عرفته من زمان
ليت قلبك يستجيب
ادري ظني ما يخيب
انتي طيبة مع وفاء
وانتي رقة في عذوبة
شرفيني ..
وتلقي مني الاحتفاء
واسمعي عذب الكلام
يوم اشوفك ..
كانّ يوم الناس ساعة
آمريني يا الغلا ..
سمع ٍ وطاعة
في غيابك جفت ارضي
وصار حالي ..
يشتكي ذل المجاعة
لا عواطف من يمين
ولا مشاعر من يسار
ليت قلبك يحتويني
ودي اسكن لو باجار
ودي القى من يغار
ودي اسمع منك همس
ودي اقرب دون لمس
يكفي انك تحضنيني
حطي خمسك فوق خمس
من عرفتك وانتي شمس
لا ضحكتي شع نور
تغمريني بالسرور
بادليني بالشعور
انتي عذبة
تفرضين الحب فرض
واحتلالك طول عرض
انتي علم ؟
والا حلم ٍ في منام ؟
ما نسيتك
في معيّة قلب هام
في عيونك والقوام ..
سحر ظاهر
اما رمشك .. رمش ماهر
كل رمية وفيها فن
فيك اموت وعقلي جن
هذا جاك
واللي جا به قلب حن
قابليني واسمعي مني قصيدة
وفي سكوتي قولي .. دن
ثم قولي .. تيت تيت
جيت مرغم
من جمال الروح جيت
اكتملتي بالصفات
انف بارز مثل سيف
والمها لا قلت عين
والنعومة باليدين
يحفظك رب الوجود ..
من بلا عين الحسود
غراميات

القلب عانى من غرق
والجوف من شوقي احترق


والهم لا منّه نوى
يزداد .. للبسمة سرق


باطلبك يا خِلي وانا
مهموم في حالة ارق


تختار خِل ٍ لك ولا
تحتار لو نجمك برَق






يزداد في نفسي شعور
يوم انت مفكوك الحصار


كم ظن في ظني يدور
كم خِل يا خِلي يغار


ما دب في قلبي سرور
بالليل وان قلنا نهار


لو صاح من قولي غيور
تمّيت في نفس المسار






يا ناس يا زين الزعل
في وجه خِلي لا اكتحل


باهديه عمري له فدا
والروح فدوة له .. اجل


النفس تتمنّى اللقا
والشوق في قلبي جبل


لو دام صده ما نوى
هالقلب يرحل في عجل






الروح تشكي من الم
فشّيت غلّي بالقلم


وابديت همي للملا
كم كم وكم .. كم كم وكم


يا كم يجول بخاطري
لو ما ولا .. لو ما ولم


كم ذنب في قولي .. ولي
غفّار يغفر لي اللمم




ليت قلبي ما اعترف




والله اني بت احبك من كلامك والبيان
والله اني بت عاشق للمعاني والهدف


من قرا لك طب قلبه بالعواطف في ثوان
ثمّ ردّد ( حسبي الله حسبي الله ) وانصرف


ذوّبتني هالمشاعر والعذوبة والمعان
واستحلت قلب شاعر بالمحبة وانجرف


كل كلمة من كلامك لولوة والكل دان
لا قريتك فزّ قلبي من مكانه وارتجف


هي مشاعر خالجتني وقتها والوقت حان
اعترف لك بالمحبة واعترف لك بالشغف


قلتها لك والله يعلم وش صراحة هاللسان
لو يخادع بالمشاعر او بقوله ما حلف


ذا شعوري والمقاصد بيّنة والعلم بان
من بداية ما عرفتك حتى يومك ما اختلف


ودّي انشد يا الاميرة عن لجوئي والامان
تمّ شعرك في عذوبة وتمّ حسّك في رهف


الاماني راودتني اعترف لك من زمان
مير همي من كلامك ( يا هلا بك يا الترف )


لا تقولي كلمتينك او تقولي يا جبان
واتركيني في عتابي .. ليت قلبي ما اعترف


حسّسيني باهتمامك وارحميني من هوان
وارسميني في خيالك واسلكي درب الكلف


اسمحيني لو بديت بموقفي من هالمكان
واسمحيني لو جرحتك والاسف يتبع اسف


هلوسة عاشق




سوّلت لي نفسي مرة
اعترف لك بالغرام
الله يكفي الناس شره
واعترف لك بالعذاب
وان قلبي فيك ذاب
وان حبك غر قلبي
غره .. غره
والله ضره
ثم زاد الشوق فيني
قلت باسكت
هي تجيني لو تبيني
مير مل الانتظار
باختصار
ايه احبك
ثم احبك
ثم احبك
شوقي نار
ما دريتي ؟؟
انتحار
وما دريتي باللي صار ؟؟
قالوا عني ..
ذا متيّم بالغرام
ثم قالوا .. هذا هام
يا حرام
يا حرام
يا حرام
كل هذا ..
وما هو داري هالحبيب ؟!
قمت انادي ..
يا طبيب
يا طبيب
يا طبيب
باشتكي لك ..
ما بقلبي من لهيب
هذا همي وهذا غمي
والمقدّر والنصيب
لا مجيب
قمت اهلوس
هذا عقلي .. استخف
وهذا قلبي .. نبضه خف
ثم خف
ثم خف
ثم وقف
ذا جزايه
ليت قلبي ما اعترف




من يقول




ايه .. من يقول ؟

من يقول اني احبك ؟
او بحبك صرت هايم ؟
من يقول اني مولّع ؟
او افكّر فيك دايم ؟
من يقول اني ..
سجين الحب ؟
في اسر الغرام
من يقول اني معذّب ؟
والسبب كلمة ..
ولا كل الكلام
من يقول اني ..
قليل النوم ؟
او حتى انام ؟
من يقول اني بهمّي ؟
والوله يسري بدمّي
من يقول اني اعاني ؟
واقترابك منيتي
واغلى الاماني
من يقول اني شكيت ؟
من عذاب الصدّ والوحدة ..
بكيت
من يقول اني ..
ادوّر لك بشمعة ؟
وكل خطوة في طريقي ..
عانقت عيني بدمعة
من يقول اني من النسمة ..
على وجهك اغار ؟
وابغض المسواك في فمّك
اذا لفلف ودار
من يقول اني ..
من الهجران اتقلب بنار ؟
من يقول اني متيّم ..
منتظر .. اخذ القرار ؟




ألم قلبي
سمعت الصوت والهمسة
وابي النظرات واللمسة
وتميت انتظر زولك
وشفت الناس من حولك
اببدي لك .. ألم قلبي
اذا هالناس ما ابدوا لك

وصار القلب يتوجع
يئن
يئن
تعال اسمع
افكر فيه واتأمل
علام القلب يتحمل
ارد اللوم على الخافق
تحب انسان ما يوافق ..
على نظرة ومسكة يد
يصير اهمال الى هالحد ؟!

ولا يهتم بالمغرم
فراق وشوق / ألم وألم
وزاد اللوم .. ( لماذا لم .. ؟ )
يموت الشوق بهالعالم
ويبقى الشوق فيني حي
انا الظمآن وانت المي
اشعة شمس وظل وفي
وزاد الشوق ..
شوي شوي
منايه دوم اشوفك جي

وصار الشوق يتحكم
وبات القلب يتألم
وانت بعيد ما تعلم ..
عن اللي صار باسبابك
وزاد الهم بغيابك

وقمت احتار من وضعك
واناظر دوم في وضعي
حياك .. الزين في طبعك
وحد الشوق من طبعي

طلبت الوصل يا خِلي
تعال الحين او قل لي
وش اللي يصير بغيابي ؟
وش اللي صار باسبابي ؟

تقول احترت وارد ب( يه )
وش المقصود ؟
وش الغاية ؟
سرى هالحب في دمي
وزاد الشوق من همي
.
.
وتميت انتظر زولك





عدل سابقا من قبل قطر الندى في الثلاثاء 9 مارس 2010 - 20:51 عدل 1 مرات
امير العشاق
عضو طاك 8


ألمهنة : PhotoGraphy In Nirvana of dreams Studio
الجنسية :
الاوسمة



مُساهمة رد: اقوال الحب
الثلاثاء 9 مارس 2010 - 20:26

كلمات جميله جدا
سلمت يداك




[ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط]


قطر الندى
+10 امبراطورة النهرين قطر الندى


ألمهنة : -
الجنسية : عراقية
الاوسمة


مُساهمة رد: اقوال الحب
الثلاثاء 9 مارس 2010 - 20:35





نجمة فيـ سماك
+10 مدمنة النهرين نجمة فيـ سماك


ألمهنة : طالبة جامعية
الجنسية : IRAQ! 4 εvεя ツ
الاوسمة


مُساهمة رد: اقوال الحب
الجمعة 26 مارس 2010 - 16:10



يسلموو ع الخاطرة
بجد روعة






█║│█║▌││█║▌║▌║ Made in IRAQ █║│█║▌││█║▌║▌║

[ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط] | [ندعوك للتسجيل في المنتدى أو التعريف بنفسك لمعاينة هذا الرابط]



المسامح
الامبراطور 3


ألمهنة : خريج
الجنسية : عراقي لاخر الانفاس
الاوسمة


مُساهمة رد: اقوال الحب
الأربعاء 16 يونيو 2010 - 5:25

حلووووو كللللللللش حلوووو

عاااااشت الجهود المبذوله والابداااع المتواصل









صندوق الرد السريع .. نافذة الرد الحديث
 
صفحة 1 من اصل 1



روابط اضافية تفيدك: الكيبورد العربي :: الشروحات المصورة :: سياسة الخصوصية :: الابراج :: صفحة الاعلانات :: المتواجدون
هذه احدى صفحات منتديات بين النهرين العراقية ذات الـحقـوق المـحـفـوظـة منتديات بين النهرين العراقية 2008 - 2012
هذا المنتدى يعرض محتواه باللغة العربية وبصورة حصرية، لكن يسمح لك بترجمة المحتوى مع مترجم جوجل من هنا
واي نسـخ او اقـتـبـاس لـهذه الصفـحة او اي من صفحـات المنتدى يعرضك للمسائلــة القـانونية و الى حذف منتداك
جميع المواضيع المطروحة بالمنتدى لاتعبر بالضرورة عن رأي ادارة المنتدى وانما تعبر عن رأي كاتب المشاركة فقط
المنتدى يعمل بصورة متكاملة ورائعة على المتصفح MozillaFirefox وستواجه بطئاً في التحميل اذا استخدمت IE
اتصل بالادارة | © phpBB | منتدى مجاني | أحلى منتدى | التبليغ عن مخالفة | مدونة مجانية | الرئيسية

you're browsing one of Beinulnahrain (Mesopotamia) forum pages that shows it's contents in ARABIC exclusivly
you can browse it in your language whenever you used Google translator from this link