اللهم صل على محمد وال محمد
 منتديات بين النهرين | الرئيسية | القوانين العامة | الاسئلة الشائعة | إتصل بنا؟ | رفع ملفات | البحث:
تاريخ اليوم:
أضف اهداء!

,.-~*'¨¯¨'*·~-.¸أهلا بك يا زائر ,.-~*'¨¯¨'*·~-.¸
بحـثدخولالتسجيلالرئيسيةصفحة الاعلانات_البوابةالمنتدياتالدردشةالتسجيل JOINتسجيل دخول_

إرسال موضوع جديدإرسال مساهمة في موضوع العنوان:

منتديات بين النهرين :: المنتديات الثقافية :: منتدى الخواطر وعذب الكلامشارك

 ابوذيات جميله لا تفوتكم 



الموضوع
امير الحب ♥ توفي ♥
عضو طاك 1


ألمهنة : موظف حاسبات و طالب
الجنسية : عراقي
الاوسمة

مُساهمة ابوذيات جميله لا تفوتكم
الأحد 13 مارس 2011 - 23:36

افتك
من هواك شلون شفتك

تتمشى ويه غيري اليوم شفتك
شفت شفته قريبه تلوح
شفتك

واخذ منك حلك وشصار بيه


احبك من زمن جدك وجدي
ويضل
حبي الك صادق وجدي

اريد اكعد على بابك وجدي
بلكت ينكسر كلبك عليه


ياصاحب
هاك اخذ مكتوب وصله

واريد اعرف عمامه منين واصله
كلبي عليك صار 12
وصله

كل وصله تصيح جيبو اليه

الك ياهو اليوصف حالي فنه
الم
وهموم عمري حالفنه

اذا ينساك كلبي حالف انه
اكطعه وداعتك بثنين اديه


وحك
الي بده القرأن بسمه

تركني وضاعت من اشفاي بسمه
الكلب ماصاح بسمي
صاح بسمه

لان هو الكلب والروح اليه


هله يل كل عشرتي
وياك00ماسات

واسكر لوشفاي اشفاك00 ماسات
الك خدين بيض اتكول00 ماسات
من
اشوفك ينعكس وجهي عليه



حبيبي شلون حالك وصفه اليه
عوف الناس
كلهه وصفه اليه

مريض وصرت انت وصفه اليه
من اشوفك كل مرض مايبقه
بيه



قهر حبك حبيبي عسل وي جوز
وربك مايتوب الكلب ويجوز
تريد
انساك بس بالموت ويجوز

تلمنه الاخره ونرجع سويه


غيابك خلخل
اعضامي.. وهدهن

وجر حسرات ببعادك.. وهدهن
آلي دمعات لو ابجي.. وهدهن
تفيض
اليابسة ونغرك سويه



ثرم والله المصايب ثارمني
واذب كلبي على
غيري ثارمني

ياهو اليجي ياخذ ثارمني
صرت للجاي والرايح ضحية


كلي
الراحلك منهو وياهو

ومنهو الغيرك عني وياهو
اميلك جان ماسنجر وياهو
تبدلة
بدردشة وتنكته بيه



دكلي شغيرها السبعة ورة الست
وخلص عمرك
تسير انتة ورة الست

ابشرك راح افرمته ورست
حياتي وذكرياتي وكل شي
اليه



طلع دولار حصتي اوف لاين
وكلبي من المصايب اوف لاين
من
افتح ايميلك اوف لاين

وتكلي شبيك ماتدخل عليه


كلبي خلاف
عينك فرمتاها

وشخصك عن خيالي فر متا ها
دليلي ذكرياتك فرمتاها
وتذكرت
النسيته وعم عليه



على الضدك مرض يكتل وكن سل
وتعرفنة وعلي
بدونك وكنسل

الغي كل كلب قاسي وكنسل
جميع اهل البغض واهل الردية

ثوب
الحزن بفراكك لبسنه

وثكيل الطبع طبعه لو لبسنه؟؟
ولك خدك ماوصلناله
لا .. بسنه

تزعل ليش يمدلل عليــــه؟


الكلب عاف البشر كلها
والك راد

مشى وسافر تذكركم والك راد
عرب ما طيبوا علتي ولاكراد
دواي
انت يهل مبعد علية



على كبري ردت تذكار خطك
لان احلى من
العسل يهواي خطك

ذبحنى شما ادك مشغول خطك
صفى بس المسج ساتر علية


دجاجه
انتي يالحبيبه وانا ديج

من ذاك الصوب اعوعيلج واناديج
اهلج يردوني
ابيض واناديج

وجبت البيض من غصبن عليه


يهل روحك عله الطيبات
تربه

وعله دربك تظل العين تربه
ياريت اكعد عله مصلاك تربه
وابوسك
من تحط كصتك عليه



جاري الأاتصال وياك جاري
ودمع عيني مثل
النهر جاري

وين الله وتصير بيوم جاري
لحني الباب والحايط واديه


يـحلو
الاطبـاع واصلني وقارب

ماعندي اهل غيرك واقـارب
سفينه بالبـحر ردتك
وقـارب

تشيل الحمل من يثگل عليـــه


ديره وصفت بس للعفن
والغاز

وحجيهم كله حزورات والغـــاز
رمونه بين ضيم النفط والغــاز
وغياب
الكهرباء أكبر أذيـــــه



غيابك خلخل اعضامي وهدهن
وجر حسرات
ببعادك وهدهـــن

الي دمعات لو ابجي وهدهــــن
تفيض اليابسه ونغرك
سويه



احبك حب ما ينكتب وصفه
وعليك القلب مثل الذهب واصفه
عليمن
يكتب الدكتور وصفه

خدودك والشفايف صيدليه


مفارك والليالي
سنين مرن

علي صاير لذيذ الزاد مرن
طفر قلبي على النقال من رن
لأن
حسيت روحي تدك عليه






كـوني لــي عــزيــزا كـمــا شــاء الــقــدر ...
ولا تــتــركـيـنــي وحــيــدا كاللــيــل بــلا قــمــر ...

فــكــيــف لــي بــدونــك أن أحــيــا بــيـن الــبــشــر ...
فــهــل للـــزرع أن يــنــبــت دون أن يــســقــط عــلــيــه الــمــطــر




Super Girl
عضو ماهر


ألمهنة : طالبة
الجنسية : عراقية
مُساهمة رد: ابوذيات جميله لا تفوتكم
الإثنين 14 مارس 2011 - 4:20

{........ ابوذيات جميلة جدا ........
....... احسنت في اختيار الموضوع ..
............... مشكور ...........}




امير الحب ♥ توفي ♥
عضو طاك 1


ألمهنة : موظف حاسبات و طالب
الجنسية : عراقي
الاوسمة

مُساهمة رد: ابوذيات جميله لا تفوتكم
الإثنين 14 مارس 2011 - 22:21

عفواً
شكراً لمروركِ الجميل





كـوني لــي عــزيــزا كـمــا شــاء الــقــدر ...
ولا تــتــركـيـنــي وحــيــدا كاللــيــل بــلا قــمــر ...

فــكــيــف لــي بــدونــك أن أحــيــا بــيـن الــبــشــر ...
فــهــل للـــزرع أن يــنــبــت دون أن يــســقــط عــلــيــه الــمــطــر




صندوق الرد السريع .. نافذة الرد الحديث
 
صفحة 1 من اصل 1



روابط اضافية تفيدك: الكيبورد العربي :: الشروحات المصورة :: سياسة الخصوصية :: الابراج :: صفحة الاعلانات :: المتواجدون
هذه احدى صفحات منتديات بين النهرين العراقية ذات الـحقـوق المـحـفـوظـة منتديات بين النهرين العراقية 2008 - 2012
هذا المنتدى يعرض محتواه باللغة العربية وبصورة حصرية، لكن يسمح لك بترجمة المحتوى مع مترجم جوجل من هنا
واي نسـخ او اقـتـبـاس لـهذه الصفـحة او اي من صفحـات المنتدى يعرضك للمسائلــة القـانونية و الى حذف منتداك
جميع المواضيع المطروحة بالمنتدى لاتعبر بالضرورة عن رأي ادارة المنتدى وانما تعبر عن رأي كاتب المشاركة فقط
المنتدى يعمل بصورة متكاملة ورائعة على المتصفح MozillaFirefox وستواجه بطئاً في التحميل اذا استخدمت IE
اتصل بالادارة | © phpBB | منتدى مجاني | أحلى منتدى | التبليغ عن مخالفة | مدونة مجانية | الرئيسية

you're browsing one of Beinulnahrain (Mesopotamia) forum pages that shows it's contents in ARABIC exclusivly
you can browse it in your language whenever you used Google translator from this link